Холливудын нэрт жүжигчин Холли Берри 47 насандаа хүү төрүүллээ. Өчигдөр дэлхийн баячууд болон оддын төрдөг газар болох Лос-Анжелесийн Седар Синаи эмнэлэгт Холли Берри нярайлж, 48 настай франц жүжигчин Оливье Мартинесийн үр удмыг гаргасан юм. Эх үрийн биеийн байдал сайн байгаа ажээ.
Холли Берри 1986 онд Америкийн гоо бүсгүйгээр тодорч, үүнийхээ дараагаар кино урлагт хөл тавьсан. Тэрбээр Нала хэмээх охинтой.
Харин Холлигийн хүүгийн эцэг Оливье Мартинес нь олон жилийн турш нэрт дуучин Кайли Миноугтай амрагийн харилцаатай байж, хүнд өвчтэй үед нь тус дэм болж байснаар хэвлэлээр багагүй сайшаагдсан нэгэн ажээ.
Эх сурвалж: new.mn
