Дуучин Робин Тик болон Паррэлл Уильямс нар "Blurred Lines" дуундаа бусдын оюуны өмчийг ашигласан хэргээр шүүхэд дуудагджээ.
Гол нэхэмжлэгч тал нь дуучин, хөгжмийн зохиолч Марвин Гайегийн хүүхдүүд бөгөөд аавынх нь "Got To Give It Up" дууны хэсгээс хуулбарласан хэмээн үзжээ. Тиймээс тэд "Blurred Lines" дууны орлогоноос тодорхой хэмжээний хувь авахыг хүсэж байгаа аж.
Харин энэхүү дуунд хамтран дуулдаг реппэр TI хэлэхдээ "Хоёр дуунд ижил элементүүд байхыг алийг тэр гэхэв. Гэхдээ "Blurred Lines" дуунд гурвалсан дуучид дуулсан болохоор энэхүү хоёр дуунд адилхан гээд байхаар зүйл байхгүйг нотолж байгаа хэрэг" гэжээ.
Мөн үүнээс гадна нэхэмжлэгч талынхан Робин Тикийг 2011 онд гаргаж байсан " Love After War" дууг мөн л Марвин Гайегийн 1976 онд гаргасан "After The Dance War" дуунаас нь хууль бусаар хулгай хийж ашигласан хэмээсэн юм.
Б.Сондор
