Армаг хүлэг нь гадаа ирэх шиг
Амгайгаа зажлаад үүрсэх нь сонсогдоно
Аглаг хангайн гэртээ орох шиг
Агь гангын үнэр анхилна
Амин хайртай нутаг минь
Азийн цэнхэр асар минь
Алтай хангай говьтойгоо
Алагхан зүрхэнд минь багтнам зээ
Сайхан бүсгүй хажууд минь байх шиг
Сарын газраас нүдэнд тормойж
Саруул тал минь хаяанд буух шиг
Салхин сэвшээ нүүрийг минь илбэнэ
Амин хайртай нутаг минь
Азийн цэнхэр асар минь
Алтай хангай говьтойгоо
Алагхан зүрхэнд минь багтнам зээ
Амин хайртай нутаг минь
Азийн цэнхэр асар минь
Эцэг өвгөдөөс өвлөгдсөн
Эртнээс үнэтэй нутаг минь
Алтай хангай говьтойгоо
Алагхан зүрхэнд минь багтнам зээ
Эх нутаг минь
Эх орон минь
Уран хуурын утсыг уянгалуулж
Уртын дууны эгшиг цуурайтаж
Уулын гол нь урсаад зөрөх шиг
Усан таргилын чулуу шаагина
Амин хайртай нутаг минь
Азийн цэнхэр асар минь
Алтай хангай говьтойгоо
Алагхан зүрхэнд минь багтнам зээ
Амин хайртай нутаг минь
Азийн цэнхэр асар минь
Алтай хангай говьтойгоо
Алагхан зүрхэнд минь багтнам зээ
Алагхан зүрхэнд минь багтнам зээ
