Шинэ Дели хотноо энэ сарын 14-нөөс 20-нд болсон Энэтхэгийн Бал Бхаван хүүхдийн байгууллагаас зохион байгуулсан олон улсын хүүхдийн наадамд Дорноговь аймгийн "Говийн уянга" хүүхдийн бүжгийн хамтлаг амжилттай оролцлоо. Дели дахь ЭСЯ-наас тус хамтлагийг Дели дахь оюутны холбооны дэргэдэх бүжгийн хамтлаг, Энэтхэгийн нэрт бүжигчин Алпана Наяк нартай уулзуулж үдэшлэг зохион байгуулав. Уулзалтын үеэр "Говийн уянга" хүүхдийн бүжгийн хамтлаг Дели хотод амьдарч байгаа иргэд, оюутан залууст монгол ардын бүжгийн үзүүлбэрээ тоглож үзүүлэв.
