71 дэх удаагийн Алтан бөмбөрцөг наадам ирэх оны нэгдүгээр сарын 12-нд зохион байгуулагдах гэж байна. Өнгөрсөн пүрэв гарагт Алтан бөмбөрцөг наадамд нэр дэвшиж буй уран бүтээлчид тодорчээ.
Тус наадмыг жүжигчин Тина Фей болон Эми Полер нар хөтлөхөөр болсон байна. Түүнчлэн энэ жилийн Алтан бөмбөрцөг наадамд "12 Years a Slave" болон "American Hustle" кино бүтээлүүд тус бүр долоон номинацид нэр дэвшсэн аж. Мөн "Captain Phillips", "Gravity," "Philomena," болон "Rush" хэмээх кинонууд тус наадамд олон төрөлд нэр дэвшиж байгаа гэнэ.
Наадмын шилдэг эмэгтэй жүжигчин номинацид Сандра Баллок "Gravity" киногоор, Эмма Томпсон "Saving Mr. Banks" киногоор мөн "Blue Jasmine” киноны Кейт Бланшетт, "Philomena" киноны Жуди Денч болон Meryl Streep нарын олон жүжигчид тус тус нэр дэвшжээ. Харин шилдэг инээдмийн киноны эрэгтэй жүжигчин номинацид Кристиан Бэйл, Леонардо Ди Каприо болон Оскар Айзек нар нэр дэвшсэн гэнэ. Шилдэг хүүхэлдэйн киноны төрөлд "The Croods", ''Despicable Me 2", болон ''Frozen” зэрэг кинонууд өрсөлдөж байна. Энэ жилийн шилдэг найруулагчаар Альфонсо Куарон, Пол Гринграс, Стив Маккуин, Александр Пейн, Дэвид О.Расселл нар тус тус нэр дэвшжээ.
