Соёл, спорт, аялал жуулчлал, залуучуудын яам болон Чингис хаан Үндэсний музей, ШУА-ийн Археологийн хүрээлэн хамтран Щвейцарын Холбооны улсын Цюрих хотын “Ритберг” музейд 2025 оны аравдугаар сард “Монголчууд: Хоёр цаг хугацаа” нэртэй олон улсын үзэсгэлэнг гаргахаар ажиллаж байна.
Мөн “Чингис хаан” үндэсний музей “Чингис хаан” олон улсын үзэсгэлэнг ХБНГУ-ын “Симон” галерейд 2026 онд дэлгэхээр болсон байна. Энэ хүрээнл “Дэлхийд тархсан өв цуврал”-д Герман дахь Монголын өв каталогийг хэвлэн нийтлүүлэх эрхийг авсан байна. Каталогид Берлиний үндэсний номын сангийн Азийн тасагт буй Дьезийн XIII зууны монгол зураг, Турфанаас олдсон монгол бичгийн дурсгалууд, XIX зууны Халхын хошуудын зургууд орох бөгөөд энэ онд багтаан эхний ботийг гаргахаар төлөвлөжээ.
