Монголын урлагт өөрсдийн гэсэн шинэ өнгө, төрх, орон зайг бий болгон гарч ирээд буй “Анир” поп оркестр нь урлагийн салбарт 20 гаруй жилийн түүхтэй “Анир” дуу бичлэгийн студиэс төрсөн, Монголын анхны хувийн мэргэжлийн оркестр гэдгээрээ онцлог.
Тус оркестр “Nostalgia” тоглолтыг энэ сарын 20-нд ганцхан удаа “Корпорэйт контеншн центр”-т хийх гэж байна. 1960-1990-ээд оны дурсамжит дуу, хөгжмөөс бүрдсэн эл амьд тоглолтод урилгаар “Инээмсэглэл” хамтлаг, жазз дуучин Наагий буюу Н.Наранбаатар, залуу дуучин Ариу нар оролцох аж.
Тоглолтын тасалбар 100.000, 80.000, 60.000 төгрөгийн үнэтэй бөгөөд www.ticket.mn-ээс худалдан авах боломжтой.
