Youtuber Б.Түшиг нэг сая дагагчтай болжээ. Ингэснээр тэрбээр youtube платформд нэг сая дагагчтай болсон Монголын хоёр дахь youtuber, бас инфлюнсер болж буй аж.
Б.Түшиг нь 2012 онд ХҮДС-ийг худалдааны менежмент мэргэжлээр төгссөн бөгөөд оюутан ахуйдаа загвар өмсөгч, телевизийн хөтлөгч гэх зэрэг олон ажлыг хийж байжээ. Тэрбээр 2015 онд Франц Улсыг зорьж, Сорбонны их сургуульд хэл, маркетингийн чиглэлээр суралцсан байна. Харин энэ үеэсээ буюу 2018 оноос youtube суваг хөтөлж эхэлсэн бөгөөд тэрбээр Монголын хамгийн богино хугацаанд 100 мянган дагагчтай болж “Silver Play Button” авсан youtuber болж байсан билээ.
