Америкийн дуучин Селена Гомесын Австрали дахь шүтэн бишрэгчид өөрсдийн шүтээнээ харж, сонсохын тулд дахиад жаахан хүлээх хэрэгтэй болов. Учир нь, 21 настай дуучин бүсгүй Австралид хийх аялан тоглолтоо хойшлуулсан байна.
“Миний шүтэн бишрэгчид надад их чухал байдаг. Тиймээс би тэднийг гонсойлгомооргүй байна. Гэхдээ миний ажлын эрч хүч дэндүү буурлаа. Тиймээс бага боловч амарч, тайвширмаар байна” хэмээн Селена мэдэгджээ. Түүнд ойрхон эх сурвалж Селенаг ямар ч амралтгүй зургаан жил гаруй хугацаанд ажилласан гэж өгүүлэв. Тиймээс амрах нь зүйн хэрэг аж. Гэхдээ энэ шийдвэрийг гаргах нь түүнд амаргүй байсан гэнэ. Яагаад гэвэл дуучин бүсгүй шүтэн бишрэгчдээ гонсойлгох тун дургүй нэгэн билээ.