Монголын театрын урлагийн хамгийн анхны төсөл нэвтрүүлэг болох "TO BE OR NOT TO BE" энэ жил 3 дахь жилдээ маш амжилттай хэрэгжиж, 2013 оны аравдугаар сарын 10-ны өдрөөс эхлэн үдэш бүр үзэгчдэд хүрч эхэлсэн. Шоу нэвтрүүлэг гурван сарын туршид үргэлжилж, Гранпри шагналтнаа тодруулхаар Ч.Лодойдамбын "Гарын таван хуруу" жүжгийг УДЭТ-ын тайзнаа тавьж үзэгчдэд хүргэлээ.
Авьяастнууд маань УДЭТ-ын найруулагч Ч.Түвшингийн удирдлаган дор бэлтгэлээ базааж жүжгийн үзэгдэл бүрт өөр өөр дүрийг бүтээснээ эрхэм шүүгчид болоод үзэгч түмнээ толилуулан ийнхүү шилдгүүдээ тодрууллаа. Тэрээр шилдэг арван таван оролцогчдын гала тоглолт өндөрлөж, гранпри шагналтан болон 2, 3 байрын эзэд тодрох тэр торгон мөчид, эрч хүч, хүсэл мөрөөдлөөрөө жигүүрлэсэн авьяастнуудын гранпри шагналтнаар хувийн дугаар 424, Самбалын Өлзиймаа тодорсон бол, 2-р байрын эзнээр хувийн дугаар 39, Цогтгэрэлийн Давааням тодорсон юм. Мөн 3-р байрын эзнээр нэг оролцогч тодрох байсан ч шүүгчдид болон зохион байгуулагчдын саналаар хоёр оролцогчыг тодруулхаар шийдвэрлэж хувийн дугаар 18 Мөнхбаярын Базарсад, хувийн дугаар 314, Эрдэнэбилэгийн Мөнхдалай нар тодорсон юм.
Ийнхүү бүтэн гурван сарын турш үзэгч таныг төсөл хөтөлбөрөөрөө дамжуулан цэнхэр дэлгэцээр хөтөлсөн. Басхүү театр урлагийн ертөнцөөр аялуулж, жүжигчний мэргэжлийн үнэ цэнийг танд өөрсдөөрөө дамжуулан мэдрүүлсэн. Авъяслаг оролцогч залуусын шилдгийн шилдгүүд тодорч, өөрийн авьяас билигээ нээж, амьдралаа өөрчлөхийн төлөө өөрийгөө дайчлаж, амьдралд итгэх асар их зоригийг олж авцгаалаа. Ингээд шилдгүүдээ дахин талилцуулъя.
хувийн дугаар 424, Самбалын Өлзиймаа
хувийн дугаар 39, Цогтгэрэлийн Давааням
Хувийн дугаар:18 Мөнхбаярын Базарсад
хувийн дугаар 314, Эрдэнэбилэгийн Мөнхдалай
Та бүхнийг урлагийн тэнгэр ивээг…
www.URLAG.mn
