Сүүлийн үед манайхан хөшөө дурсгал нураах, нүүлгэн шилжүүлэх ажлыг тун идэвхтэй сайн хийж байгаа төдийгүй нэгийг сүйдэлж, нэгийг босгох болжээ. Тухайлбал, 1911 оны арванхоёрдугаар сарын 29-нд Монголын тусгаар тогтнолыг сэргээн, дэлхий дахинаа тунхагласан тул VIII Богд Жавзундамбын хөшөөг босгохоор болсон байна. Тус хөшөөг Тасганы овоо, Богд хааны ордон музей, Тусгаар тогтнолын талбайд байршуулах санал ирж байсан ч Ерөнхийлөгчийн Тамгын газар, УИХ-ын Байнгын хорооноос Богд хааны хөшөөг Тусгаар тогтнолын талбайд барих санал ирүүлж, Нийслэлийн ИТХ-ын тэргүүлэгчдэд дээрх гурван саналыг танилцуулахад тус хөшөөг Тусгаар тогтнолын талбайд барихаар шийдвэрлэсэн байна.
Богд хаанд зориулан барьж буй хөшөөний эх загвар болоод төсөв хөрөнгийн хувьд хараахан батлагдаагүй байгаа бөгөөд оны дараа уран бүтээлчдийн дундаас шалгаруулалт зарлаж, тухайн байршилд зохицсон суурьтай, хойд талынх нь гэрэлт цамхагтай уялдуулсан хөшөөний зураг гаргуулах юм байна. Харин зарим нэг хүмүүс хөшөө нураасан ч тэр, босгосон ч тэр түүх өөрчлөгддөггүй юм хэмээж байна.
www.URLAG.mn
