УДЭТ-ын урилгаар БНСУ-ын “Сансанмару” продакшны уран бүтээлчид манай улсад зочиллоо. Ирэх 2026 онд Монгол, Өмнөд Солонгосын уран бүтээлчдийн хамтарсан мюзикл уран бүтээл хийх төслийн бэлтгэл ажлын хүрээнд ийнхүү айлчилсан бөгөөд энэ үеэр “Сансанмару” продакшны продюсер, уран сайхны удирдагч Ум Дон Юл, хөгжмийн зохиолч Ким Хе Сан, хөгжмийн найруулагч Рим Сеён, бүжиг дэглээч Хонг Юсон нартай хамтарсан тав хоногийн мюзикл театрын сургалтыг амжилттай зохион байгуулсан байна.
Хамтарсан сургалтын үеэр БНСУ-ын мюзикл салбарын хөгжил, өнөөгийн нөхцөл байдал, Монгол улсын театрын салбарын өнөөгийн нөхцөл байдлын талаар ярилцахаас гадна Монгол, Өмнөд Солонгосын соёлын онцлог шингэсэн дуу, бүжгээс бүрдсэн бүтээлч сургалтыг хийжээ. Ирэх 2025 онд төслийн дараагийн үе шат эхлэх бөгөөд хамтарсан уран бүтээл туурвих бэлтгэл 2026 он хүртэл үргэлжлэх юм байна.
