“Мөрөөдлийн театр”-ын жүжигчин Г.Алтаншагай аавынхаа гэгээн дурсгалд зориулсан “Эцэг” уран сайхны киногоо тун удахгүй үзэгчдэд хүргэх гэж байна.
Тэрбээр гурван жилийн өмнөөс төлөвлөсөн эл уран бүтээлээ “Orange” энтертайнмент, “Nomadia” пикчерстэй хамтран бүтээжээ. Киног С.Баттулга найруулж, гол дүрд Г.Алтаншагай Хөдөлмөрийн баатар, Ардын жүжигчин П.Цэрэндагва, “Монгол” театрын жүжигчин Н.Баярмаа, “Этик” продакшны жүжигчин А.Энхжин нартай хамтран тоглосон бөгөөд киноны зургийн ажил нь Хэнтий аймгийн Норовлин суманд үргэлжилсэн байна.
