Зохиолч, яруу найрагч Л.Өлзийтөгсийн зохиолуудаас эмэгтэй хүний зан чанар, түүний янз бүрийн хувирал, хувьслыг харж болохоос гадна цаанаа л нэг өвөрмөц, гүн утга агуулгатай байдаг. Түүний 2012 онд гаргасан “Үзэхийн хязгаар” нэртэй намтарчилсан эсээний ном нь хамгийн шилдэг борлуулалттай номын жагсаалтыг одоо ч хүртэл тэргүүлсээр байгаа билээ. Өнгөрөгч онд хэвлүүлсэн “Хотын үлгэрүүд” нэртэй тууж өгүүллэгийн түүвэр нь мөн л уншигчдыг байлдан дагуулсаар байна.
Түүний хүүрнэл зохиолын төрлөөр "Нүдний шилэнд үлдсэн зургууд", "Үзэхийн хязгаар", 30 гаруй хуудастай “Хотын үлгэрүүд”, чамгүй зузаан энэ номд багтсан "Өлсөхүй", "Хоёрхон алдаа", "Хулгайч", "Эмэгтэй,“Ярилцлага”, Эрэгтэй", "Зөн", "Тэр хэн бэ?","Нүд” зэрэг сонирхолтой тууж, өгүүллэгүүдээс орчин цагийн утга зохиолын шинэлэг сэтгэлгээг мэдрүүлэх гайхалтай бүтээлүүд багтжээ.
Сонирхуулахад яруу найрагч Л.Өлзийтөгсийн “Хотын үлгэрүүд” номд орсон “Ярилцлага” зохиолоор жүжиг хийхээр болсон бөгөөд найруулагчаар нь Төрийн соёрхолт Н.Наранбаатар ажиллахаар болоод байгаа юм байна.
www.URLAG.mn
