ХААИС-ийн Мал эмнэлгийн сургууль нь жилд дунджаар 170-200 элсэгч хүлээн авч, үйлдвэрлэлд 130-160 боловсон хүчин бэлтгэдэг ба 2024 онд 78 дахь удаагийн төгсөлтөө амжилттай зохион байгууллаа.
Төгсөгч нь Монгол улсын хэмжээнд мал эмнэлгийн ажил, үйлчилгээг хууль, эрх зүйн хүрээнд төлөвлөх, хэрэгжүүлэх, хяналт тавих, мал амьтны гаралтай түүхий эд, бүтээгдэхүүний чанар, аюулгүй байдлыг хангах мэдлэг, ур чадвар, дадал бүхий цогц чадамжийг эзэмшсэн байх ба сүүлийн жилүүдэд Мал эмнэлгийн сургууль нь төгсөгчийн энэхүү чадамжийг гардан гүйцэтгэлээр үнэлэн төгсгөж буй нь хөтөлбөрийн оролцогч талуудын талархалыг хүлээгээд байгаа юм.
