“Ice Top” хамтлагийнхан тун удахгүй ээлжит бие даасан тоглолтоо хийхээр болжээ. Хип хоп урлагийн ертөнцөд өөрийн гэсэн байр суурийг бий болгосон тус авьяаслаг залуус өнгөрсөн жил хамтлагийнхаа гишүүн Б.Хатанбаатар буюу Хаагийг гадаадад өндөр үнэтэй эмчилгээ хийлгэхэд нь туслах зорилгоор хандивын тоглолт хийж байсан билээ.
Харин өдгөө эрүүл саруул болоод эх орондоо ирсэн Хаагий уран бүтээлийн ажлаа эрчимжүүлэн хамтлагийнхантайгаа цуг шоу тоглолтод оролцож яваа. Тус хамтлагийнхан ирэх хоёрдугаар сарын 01-нд “Best of Ice Top” нэртэй шинэ тоглолтоороо сонсогч фэнүүдээ баярлуулахаар төлөвлөсөн бөгөөд өдгөө бэлтгэл ажил, шинэ уран бүтээл гээд маш завгүй явж байгаа гэнэ.
