Үргэлж этгээд хувцас үйлдлээрээ алмайруулдаг дуучин Лэди Гага ойрын үед тун ч даруухан байх чинь ээ. Ямар нэгэн улаан хивснээ залран ирэхдээ ямар нэгэн зүйлээр бусдаас сондгойрч чаддаг дуучин бүсгүй найз залуу жүжигчин Тэйлорын хамтаар “Алтан бөмбөрцөг” наадмын дараах үдэшлэгт хүрэлцэн иржээ. 27 настай дуучин бүсгүй энэ удаад тун даруухан бөгөөд гоёмсог хувцаслаж ирсэн нь олон түмнийг харин ч гайхшруулсан гэнэ.
Түүний шаргал даашинз алтлаг өнгөтэй үстэй нь тун гайхалтай зохицсон төдийгүй эмэгтэйлэг байдлыг илүү тодруулан өгсөн байна хэмээн загварын мэргэжилтнүүд үнэлжээ. Түүний энэ байдалд найз залуу нь тун чиг дуртай байсан төдийгүй байсхийгээд л бүсгүйгээ тэвэрч аван үнсэж байсан нь зурагчдын хараанаас мултарсангүй.
Эх сурвалж: mnews.mn
