БНСУ-ын дуучин, жүжигчин Rain буюу Чон Жи Хун YouTube сувгаа хаах болсноо зарлалаа. Тэрбээр “Бид илүү сайн контент бүтээхийн тулд хэсэг завсарлахаар шийдлээ. Угаасаа сүүлийн үед хандалт ч сайн биш байлаа. Надад харамсалтай байна. Өдий хүртэл дэмжиж, хайр бэлэглэж байсан та бүхэнд баярлалаа” гэжээ.
Тэрбээр 2020 оны долдугаар сард “Season B Season” суваг нээж, янз бүрийн нэвтрүүлэг, шоу бэлтгэн үзэгчдийн хүртээл болгож байв. Ид үедээ нэг бичлэг нь л 12,24 сая үзэлт авч байсан удаатай ч сүүлийн үед контент нь 100 мянга хүрэхгүй хандалт авдаг болоод байсан юм.
