“Хатуу самар” Брюс Уиллис болон залуухан Эштон Катчер нарын 51 настай экс эхнэр дахиад л аз жаргалтай харагдаж байгаа аж. Тэрбээр 27 настай бөмбөрчин залуу Шон Фрайдэйтэй учирснаар сэтгэлийн гүн хямралт байдлаас гарчээ.
Саяхан хосууд Мексик улсын Тулумад очиж амарсан бөгөөд тэр үеэр хийгдсэн гэрэл зургууд Дэми бүсгүйг жаргалтай байгааг нотолно. Жүжигчин бүсгүй өнгөрсөн оны тавдугаар сард өөрийн 25 настай том охин Румерын хамтаар “Dead Sara” хард рок хамтлагийн тоглолтыг үзэх үеэр Шонтой танилцсан гэнэ. Цаашаа тэдний учрал сонгодог хайр дурлалын түүх шиг өрнөжээ. Тэдний харц тулгарч, зүрх сэтгэл нь оволзсоны дээр эргэн тойронд нь эрвээхэй нисч эхэлсэн байна. Тэр үдшээс хойш Дэми Мур өөрийн жаахан Эштоныг мартсан аж. Энэ оны эхээр хос хоёр Тулума орчмын нэгэн наранд шарлагын газар дээр эрхлэн хэвтэж байгааг харсан хүмүүс од эмэгтэйг гэрэл сацруулахын дээр өмнөхөөсөө залуу харагдсан гэж онцлов. Харин Шон түүнээс дурлалт харцаа салгахгүй байгаа гэнэ. Түүний ээж Дэмигээс ердөө дөрвөн насаар эгч юм.
Эх сурвалж www.wikimon.mn