Өмнөд Солонгосын “Blackpink” хамтлагийн гишүүн Женни өнөөдөр /2023.01.31/ “Love Hangover” буюу “Хайрын шарталт” нэртэй шинэ дуугаа цацлаа. Америкийн дуучин, ая зохиогч Доминик Фиктэй хамтарсан уг дуунд тэсвэрлэшгүй бөгөөд хортой хайр дурлалаас үүдэлтэй сэтгэлийн тэмцлийг өгүүлдэг байна.
Энэ дуу Женнигийн анхны бүрэн хэмжээний бие даасан цомог “Ruby”-д багтаж буй. Тэрбээр “Ruby” цомгоо ирэх гуравдугаар сарын 7-нд гаргахаа албан ёсоор мэдэгдсэн. Энэхүү цомог нь түүний “YG Entertainment” болон “Interscope Records”-оос гарснаас хойших бие даасан анхны бүтээл юм.
“Ruby” цомогт 15 дуу багтсан бөгөөд өнгөрсөн оны аравдугаар сарын 11-нд цацсан “Mantra” дуунаас гадна Childish Gambino, Doechii, Dua Lipa, Kali Uchis зэрэг алдартай уран бүтээлчидтэй хамтарсан уран бүтээлүүд багтжээ.
