Улсын драмын эрдмийн театрын нийт уран бүтээлчдийн мэргэжлийн ур чадварыг дээшлүүлэх, ганцаарчилсан болон хувийн номерын үзүүлбэрийг баяжуулах, чанартай бүтээлийг үзэгчдийн хүртээл болгох зорилгоор “Ирэх хавар” дууны уралдааныг гоцлол болон хамтлаг дууны төрлөөр амжилттай зохион байгууллаа.
Энэхүү уралдааны шүүгчээр Гавьяат жүжигчин Н.Амгалан, Гавьяат жүжигчин Х.Үнэнхүү, Урлагийн гавьяат зүтгэлтэн Б.Алтанхуяг, А Ц.Гантуяа, А.Мөнгөнсүх нар ажиллажээ.
Гоцлол дууны төрөлд:
- Жүжигчин МУГЖ Ц.Баясгалан “Үлэмжийн яруу эгшиглэнт” /тэргүүн байр/
- Жүжигчин СТА Ц. Жаргалсайхан “Үнэхээр сэтгэлийг баясгагч” /дэд байр/
- Жүжигчин СТА Д.Мөнх-Од “Үзэмжит бодлыг хөглөгч” /гурав дугаар байр/
- “Театр” студи ангийн жүжигчин Д.Мөнхтулга “Сонсвоос урмыг бадраагч” /тусгай байр/
Хамтлаг дууны төрөлд:
- “Ардын урлагийн 25-р чуулга” хамтлаг “Үлэмжийн яруу эгшиглэнт” /тэргүүн байр/
- “Учиртай 3-н толгой” хамтлаг “Үнэхээр сэтгэлийг баясгагч” /дэд байр/
- “Драм 3” хамтлаг “Үзэмжит бодлыг хөглөгч” /гурав дугаар байр/
- “16+1” хамтлаг “Сонсвоос урмыг бадраагч” /тусгай байр/ тус тус шалгарсан байна.
