Монгол Улсын Засгийн газраас 2023-2025 оныг “Монголд зочлох жил” болгон зарласан. Үүнтэй холбогдуулан монгол киног олон улсад сурталчлан таниулах ажлын хүрээнд Соёл, спорт, аялал жуулчлал, залуучуудын яамны харьяа Кино урлагийн зөвлөл нь БНСУ-ын “Ханнарэ” соёлын сан, Монгол Улсаас БНСУ-ын Пусан хотод суугаа Консулын газрын дэмжлэгтэйгээр “Монгол кино өдөрлөг” арга хэмжээг хоёр дахь жилдээ Пусан хотын кино ордонд 2025 оны хоёрдугаар сарын 5-7-нд зохион байгуулахаар болжээ. Энэхүү өдөрлөгийн хүрээнд найруулагч Б.Батдэлгэрийн “Шар гэгээ”, найруулагч П.Дэлгэрбаярын “Тойрог”, найруулагч О.Цэгмэдийн “366 дахь өдөр” зэрэг уран сайхын кино, найруулагч М.Төгөлдөрийн “Мөнхөө” баримтат уран сайхны киног үзвэрийн хуваарийн дагуу олон нийтэд толилуулах аж.
БНСУ-ын Бусан хотноо Монголын кино өдөрлөг болно
