Монгол улсын иргэн Эрдэнэбилэг овогтой Цацрал нь баг наснаасаа уран нугарч эхэлсэн байна. Түүний энэхүү авъяасыг гэр бүлийнхэн нь дэмжин Улсын циркийн уран нугаралтын багш МУГЖ, Төрийн шагналт Мажигсүрэн багшид шавь оруулан 2004 оноос эхлэн дэлхийн олон улсын “А” зэрэглэлийн тэмцээнүүдээс урилга ирэх болж чамгүй амжилт гаргасан байна.
Тэрээр одоо Итали улсын үндэсний цирк болох “DARIX TOGNI” цирктэй гэрээ байгуулан ажиллаж байна. Э.Цацрал нь “GUINNESS WORLD RECORDS”-т оролцож “longest time to hold the Marinelli bend position” буюу уран нугаралтын хэллэгээр шүдэн дээр удаан зогсох гэсэн нэртэй төрөлд дээд амжилтыг тогтоосон юм.
Анх энэхүү рекордыг 2009 онд Оюунгэрэл гэх эмэгтэй “50” секунд тогтож байсан бол Э.Цацрал 2013 оны 04 дүгээр сарын 09-ний өдөр 2 минут 34 секунд тогтож шинэ амжилтыг Унгар улсын Будапешт хотын Circus Maximus гэх циркэд шүүгч болон гэрч 4 хүн, хөтлөгч, зураглаачтайгаар амжилтаа баталгаажуулж шинэ амжилтын эзэн болоод байна. Соёл, спорт, аялал жуулчлалын яамнаас уран нугараач Э.Цацралыг Монголын соёл, урлагийн хөгжлийг олон улсад таниулахад түлхэц өгөх уг үйл хэрэгт дэмжлэг үзүүлсэнд Монгол Улсын Ерөнхийлөгчийн 2013 оны 12 дугаар сарын 25-ны өдрийн, дугаар 201 тушаалаар уран нугараач Эрдэнэбилэгийн Цацралыг алтан гадас одонгоор шагналаа..
Харин түүний шагналыг ССАЖЯамны Төрийн нарийн бичгийн дарга П.Алтангэрэл гардуулан өглөө. Э.Цацралтадаа циркийн урлагт улам их амжилт гаргаж гаргахыг хүсэн ерөөе.
www.URLAG.mn
