Энэ онд Монголын үзэгчид дахин нэг дэлхийн одтой эх орондоо уулзах нь ээ. Тэр бол Германы реппер, DJ Nana. Тэрбээр Ази тивээр хийх аялан тоглолтоо Монголоос эхлүүлэхээр болсон баяртай мэдээг бид өмнө нь дуулгасан билээ. Тэгвэл тэрбээр энэ сарын 28-нд Улаанбаатарт буун ирэх гуравдугаар сарын 1-нд нийслэлд “Remember the Time” тоглолт хийхээр товоо зарлаад байгаа юм. Уг тоглолтын тасалбар 40, 80 мянган төгрөг бөгөөд VIP тасалбар нь 120 мянга аж. Тасалбар энэ сарын 10-наас эхлэн худалдаанд гарах нь ээ.
Алдарт дуучныг Монголд тоглох саналыг “Монгол Австрийн залуучуудын холбоо”-ноос тавьсан бөгөөд тус холбоо тоглолтын ерөнхий зохион байгуулагчаар ажиллаж байгаа аж.
Реппер Nana Kwame Abrokwa-г 90-ээд оны залуус андахгүй. Учир нь түүний уран бүтээлүүд 90-ээд онд ид мандаж байсан бөгөөд түүний хэв маягыг “euro-rap” хэмээн нэрлэдэг. “Too much heaven”, “Remember the time”, “Lonely”, “Dreams” дуугаар нь үзэгчид түүнийг андахгүй.
