МҮОНТ-ийн бүтээл Монголын анхны 60 ангит “Хэцүү анги” уран сайхны киног үзэгчид сайн мэднэ. Тус киноны гол дүрд тоглосон жүжигчин М.Баярбат, М.Наранмөнх, мисс Б.Бадамцэцэг, Б.Батсайхан, Э.Уянга, Соёлын тэргүүний ажилтан, жүжигчин Б. Навчаа нар дахин “Аз жаргалын шок” нэртэй нэгэн шинэ уран бүтээлд хамтран ажиллаж байгаа тухай мэдээлж байсан билээ.
Энэхүү бүрэн хэмжээний инээдмийн уран сайхны кино нь “Фантастик” продакшны хоёр дахь дэлгэцийн уран бүтээл бөгөөд энэ сарын 12-нд нээлтээ хийхээр болжээ. Киноны ерөнхий найруулагчаар УДЭТ-ын залуу жүжигчин Б.Тамир ажилласан бол дууг Агиймаа, Ганбаа нар амьдруулжээ. Та бүхэндээ “Аз жаргалын шок” киноны трэйлэр болон "Зүрх минь чам руу" хэмээх цоо шинэ уран бүтээлийг хүргэж байна.
www.URLAG.mn
