Эрдэнэт хотын шинэ “Cumo arena”-гийн нээлтэнд зориулан Төрийн соёрхолт, Гавьяат жүжигчин, “В” продакшны үүсгэн байгуулагч, “Камертон” хамтлагийн ахлагч, дуучин, продюсер Д.Болд “Хайрын хүч” тоглолтоо арваннэгдүгээр сарын 12, 13-нд толилуулахаар болжээ.
Д.Болд нийгэмд эерэг өөрчлөлт авчрах уриалга гаргаж, өнгөрсөн наймдугаар сарын 15-нд “Хайрын хүч” тоглолтоо “Socialpay Park”-т үнэ төлбөргүй хийсэн. Мөн тэрбээр бие даасан уран бүтээлчээр 21 дэх жилдээ, “Камертон” хамтлагт 31 дэх жилдээ уран бүтээлээ туурвиж буй ойн хүрээнд өөрийн хувийн зардлаар нийслэлд олон улсын стандартад нийцсэн цэцэрлэг барьж бэлэглэх гэж буй.
