Улсын драмын эрдмийн театрын хамт олон морин жилийн хамгийн анхны тоглолтоо үзэгч түмэндээ өргөн барих гэж байна. Тус театрын хамт олон 17-р жарны модон морь жилийн шинийн найман буюу хоёрдугаар сарын 7-ноос эхлэн Алдарт зохиолч Н.Себастьяны зохиолоос сэдэвлэсэн Н.Наранбаатарын найруулсан “Нэргүй од” уянгын жүжгээ өргөн барих гэж байна
. "Нэргүй од" жүжиг энэ сарын 07,08,09 өдрүүдэд 18:00 цагаас тоглогдох бөгөөд мөн тус театрын хамт олон гэгээн хайрын Валентиний баярын өдөрт зориулан Английн алдарт зохиолч Рей Кунигийн “Эцсийн зогсоол зөвхөн чи” жүжгээ тоглох ажээ.
Мөн энэ сард хүүхэд багачууддаа зориулан Ч.Түвшингийн найруулсан “Норовын намтар” хүүхдийн жүжгийг хоёрдугаар сарын 16-ны 12.00, 14:00 цагуудаас, хоёрдугаар сарын 20-23ны өдрүүдэд М.Сервантесийн “Кихот ноён” зэрэг үндэсний болон дэлхийн сор болсон бүтээлүүдийнхээ дээжсээр үзэгч түмнийхээ оюуныг мялаах гэж байна. Байгууллага хамт олноороо захиалан үзсэн тохиолдолд 50 хүртэлх хувийн хөнгөлөлттэй юм байна.
www.URLAG.mn
