“Shrek” киноны эхний анги “2001 онд, удаах анги”Shrek 2” анги 2004 онд, “Shrek thr Third” анги 2007 онд, “Shrek Forever After” анги 2010 онд олны хүртээл болж байв. Тэгвэл эл кино ирэх жил цоо шинэ анги, шинэ адал явдлаар эргэн ирэх гэж байна.
“Dream Works Animation” студийн мэдээлснээр “Шрек 5” кино 2026 оны арванхоёрдугаар сарын 23-нд нээлтээ хийхээр төлөвлөжээ. Уг нь 2026 оны долоодугаар сард цацагдах товтой байсан ч тэр үеэр “Minions 3” гарах гэж байгаа учир хойшлогдсон байна.
Энэ удаагийн ангид Шрек болон Фионагийн хүүхдүүд өсөж том болж буйгаар үйл явдал өрнөх юм. Зарим эх сурвалжуудын мэдээллээр, Шрекийн гэр бүл хаант улсын шинэ аюултай тулгарах бөгөөд илжиг, муур хоёр энэ бүхнийг улам хөгжилтэй болгоно гэжээ. Кинонд Майк Майерс, Эдди Мерфи, Камерон Диаз нарын үндсэн жүжигчдээс гадна шинээр Зендаяа нэмэгдэн ажиллаж байгаа аж. Тэрбээр Шрек, Фиона нарын охин Фелисиагийн дүрийг бүтээхээр болжээ.
