XYII жарны Ялгуусан хэмээх Модон Морин Жил гарч буйг тохиолдуулан зохион байгуулж буй “МОРЬД” үзэсгэлэнд Монгол улсын гавъяат зүтгэлтэн, уран бүтээлч Д.Нарангэрэл, МУХ-ны шагналт Д.Батмөнх, ОХУ-ын Репиний Академийн багш Б.Отгонтүвдэн, уран бүтээлч Б.Баатарзориг, У.Мөнхжаргал, Б.Хишигсүрэн, С.Базарваань, Д.Батнасан, З.Түмэнжаргал, Ч,Дорждэрэм нарын реалист, экспрессионист, импрессионист, калиграф, абстракт, сурреалист зэрэг чиглэлээр бүтээсэн олон өнгө аяс бүхий морьдыг толилуулна.
Дэлхийн урлагийн түүхэнд сүүлийн нэг зууны туршид мордыг уран бүтээлийн сэдэв болгон тусгах явдал эрс багассан нь хүмүүсийн өдөр тутмын амьдралын хэв маягт гарсан өөрчлөлт, өөрөөр хэлвэл морьдыг амьдрал ахуйдаа хэрэглэх нь эрс багасч хүмүүс өдөр тутамд машин техникийг хэрэглэх болж морьдоос хөндийрсөнтэй холбоотой юм. Харин Монголчуудын хувьд морийг дээдэлж, шүтэж, өдөр тутмын амьдрал ахуйдаа өнөөг хүртэл хэрэглэсээр байгаа нь уран бүтээлүүд дээр ч тодорхой харагддаг. Өнөө үед морьдыг ийм олон янзаар бүтээж тууривж, магтан дуулж байгаа үндэстэн ганц монголчууд байна гэхэд хилсдэхгүй бизээ.
Үзэсгэлэн 976 Арт Галерей дээр 2014 оны 1 дүгээр сарын 24-өөс 2-р сарын 28-ыг хүртэл үргэлжилнэ.
www.URLAG.mn