Fantastic production, F-Studio-ийн бүтээл "Аз жаргалын шок" инээдмийн уран сайхны кино энэ сарын 12-нд буюу өнөөдрөөс кино театруудын дэлгэцнээ гарч эхлэх гэж байна.
Энэхүү киноны зохиолч, найруулагчаар Б.Тамир, продюссераар Н.Баяраа, С.Сарантуяа нар ажилласан ба гол дүрүүдэд М.Баярбат, Б.Одончимэг нар тоглож, Г.Золбоот, Ж.Оюундарь, Б.Навчаа, Б.Отгонбат, Э.Алдар, М.Бадамцэцэг, Б.Батсайхан, Ш.Жавхлан, О.Отгонбат, Б.Барслхагва нар оролцжээ.
Тус кино өнөөдөр 12:00 цагаас “Тэнгис” кино театрт эхний нээлт буюу Хүндэтгэлийн нээлтийн үеэр урлаг соёлоос төрөн гарсан бүх хосуудыг хүлээн авч нээлтээ хийх юм.
Мөн 15:00 цагаас “Өргөө” кино театрт хамтлаг, дуучид, Dj, show бартендр үзүүлбэр зэрэг арга хэмжээнүүд зохиогдох юм байна.Түүнчлэн Валентины баярыг тохиолдуулан нээж байгаа тус киног 12,13-ны өдрүүдэд хүрэлцэн ирж үзсэн бүх хосууддаа дэлхийн алдарт брэнд болох Guylian Брэндийн наборны цуглуулгыг бэлэглэх юм байна.
www.URLAG.mn
