“Guys” хамтлаг 28 жилийн түүхэндээ анх удаа задгай талбайн тоглолт хийхээр болсон байна. Тодруулбал, ирэх тавдугаар сарын 31-ны өдөр “Сургууль минь баяртай” тоглолтоо “Social Pay park” буюу өнгөрсөн жилийн хит тоглолтууд тоглогдсон “Hit park” /хуучнаар/-т хийхээр зарлаад байна.
Хамтлагийнхан уг тоглолтдоо хит болсон шилдэг дуунуудаа толилуулахаас гадна олон олон сюрприз задлах гэнэ. Мөн тоглолтондоо зориулан “Эр хүн” хэмээх дуугаа үзэгчдийн хүртээл болгоод байгаа бөгөөд тоглолт хүртэл хэд хэдэн шинэ уран бүтээлээ толилуулах юм.
Тоглолтын тасалбарыг eventx.mn болон ticket.mn дамжуулан худалдаалах юм байна. Үнийн хувьд early bird тасалбар 68 мянган төгрөгөөр борлуулагдах бол regular тасалбар 108 мянга, fan zone тасалбар 208 мянга, VIP тасалбар 600 мянган төгрөгөөр тус тус худалдаалагдах аж.
