“In da House 3: in Korea” уран сайхны киног кинотеатрт үзэгчдийн тоо 107 мянга давжээ

Ташрамд дурдахад, жүжигчин Н.Баясаа, С.Батзориг, Г.Лхагвацэрэн, У.Цогтбаяр, Р.Сүхболд нар буюу “Xermel team”-ийн уран бүтээлчид, “F” студи хамтран “In da House” адал явдалт, инээдмийн уран сайхны киног 2021 онд үзэгчдэд хүргэж байв. Уг киноны үйл явдал эрүүгийн цагдаагийн хэлтсийн мөрдөгчид хууль бус гэмт бүлэглэлийн араас мөрдөх явцдаа өнгөлөн далдлалт хийж цуйвангийн газар ажиллуулж эхэлснээр өрнөж эхэлдэг бол 2022 онд “In da House: Come back” киног үргэлжлүүлэн бүтээж байв. Тэгвэл уг уран бүтээлчид “In da House 3: in Korea” киног БНСУ-ын уран бүтээлчидтэй хамтран бүтээснээ бүх кинотеатруудаар үзэгчдийн хүртээл болгож байна. “In da House 3: in Korea” кинонд өмнөх хоёр ангид тоглосон Монголын жүжигчдээс гадна Өмнөд Солонгосын А зэрэглэлийн жүжигчид болох Ги Жү Бун, Юн Жэ Мүн нарын алдартай уран бүтээлчид тоглосон юм.