“Гамнаарай”, “Нутаг”, “Мөнхийн залуу хайр” гэх мэт олон дуугаараа үзэгчдийг байлдан дагуулсан дуучин Н.Бямбажав тоглолтоо хийх гэж байна. Түүний тоглолтод уран бүтээлийн хамтрагчдаас нь гадна хэд хэдэн хамтлаг оролцох аж.
Дуурь бүжгийн эрдмийн театрын симфони найрал хөгжимчид түүний тоглолтод хөг нэмэх гэнэ. Энэ сарын 5-нд ганцхан удаа болох тоглолтод Улаанбаатар төмөр замын Дуу бүжгийн чуулгын гоцлол дуучин Н.Бямбажав Анчин баавайгаа эгшиглүүлж, хайр сэтгэлээр жигүүрлэж яваа залууст мөнхийн хайр ямар байдгийг мэдрүүлэх аж.
