Тэрээр өөрийгөө талын хөвгүүдийн үр удам гэж үздэг. Гэхдээ зүгээр нэг тэгэж бодсонгүй, дэлхийн ард түмний түүх, их нүүдлийг судлаад өөрийгөө монгол удамтай гэж итгэдэг болсон гэнэ. Түүний мөрөөдөл бол хүн төрөлхтөний түүхэнд мөрөө үлдээсэн алдартай жүжигчин, хөгжимчин болох. Бусдаас онцгой байхыг хүссэндээ юу, эсвэл ямар нэг ид шидийн зүйл хайсандаа юу Ноэль Дэлхийг байлдан дагуулагч Их Эзэн Чингис хааныг үлгэрлэн дууриах хүнээ гэж үзсэн байна.
Гэхдээ түүнийг Монголтой холбодог гол зүйл нь түүх биш хөгжим юм. “Trill Bird” хамтлагийнхаа бүрэлдэхүүнд тэрбээр рэп, хип-хоп, блюз дуулдаг байсан ч хоёр жилийн өмнөөс хөөмий, монгол уртын дуунд сэтгэл алдарчээ. “Цагаан Инь гэдэг кино хийж байхдаа би анх монгол хөгжим сонссон. Киноны дуу хайж байгаад Энхжаргал гэдэг дуучны уран бүтээлтэй танилцсан. Дараа нь Khusugtun, Huun Huur Tu, Alash, Altanjargal, Hangai, Altai-Kai, E.Turmandakh нарын дууг олж сонсож эхэлсэн. “Zuuden Boroo”, “Altargana” дуунуудад их дуртай. Одоо надад 100 гаруй монгол дуу бий” хэмээн ярьжээ. Ингээд та бүхэндээ түүний Монгол сайхан дуунуудыг хэрхэн дуулж байгааг сонирхуулъя.
www.URLAG.mn
