Монгол түмний төрт ёсны түүхийг мөнхжүүлсэн Тулгар төрийн 2234 жил, Их Монгол Улсын 819 жил, Ардын хувьсгалын 104 жил, Ардчилсан хувьсгалын 35 жилийн ой, Үндэсний их баяр наадмын хүрээнд “Соёлын наадам” 17 дахь жилдээ Хүй долоон худагт амжилттай эхэллээ.
Нээлтийн үйл ажиллагаанд Соёл, спорт, аялал жуулчлал, залуучуудын сайд Ч.Ундрам оролцож үг хэлэхдээ монголчуудын өв соёл, үнэт зүйлсийг хадгалан хамгаалах, түгээн дэлгэрүүлэх үйлсэд оруулж буй СУИС-ийн хамт олны хүчин зүтгэлийг онцлон талархал илэрхийлсэн юм. Түүнчлэн Монголын ард түмэн, залуусыг өв соёл, үнэт уламжлалаа дээдлэн хүндэлж яваад талархалтай байгаагаа илэрхийллээ.
Нээлтийн үеэр СУИС-ийн уран бүтээлчид “Монгол эрдэнэ” хүндэтгэлийн тоглолтоор наадамчин олондоо өв соёл, түүхэн бахархлыг илтгэсэн үзүүлбэрүүдийг толилууллаа.
