Энэ сарын 5-8-ны өдрүүдэд Сингапур улсад олон улсын математикийн олимпиад болжээ. Энэ олимпиадад Шинэ Эрин сургуулийн 24 сурагч, хоёр багштайгаа амжилттай оролцсон байна.
Сурагчдын бүтээлч сэтгэлгээ болон асуудал шийдвэрлэх чадварыг хөгжүүлэх, сурагчдыг математикт дурлуулах үндсэн зорилготой энэхүү олимпиадад нийт 37 орны 2340 сурагч оролцжээ. Монгол сурагчдын гаргасан амжилтууд:
Ганцаарчилсан буюу математикийн олимпиадын төрөлд гурван алт, зургаан мөнгө, есөн хүрэл медаль хүртэж, зургаан сурагч хүндэт диплом авчээ.
Math Master Mind буюу багийн төрөлд гурван алт, хоёр мөнгө, таван хүрэл медаль тус тус хүртсэн бол Math warriors буюу багийн төрөлд
Алтан медаль – 10а ангийн сурагч Г. Дөлгөөн
Хүрэл медаль – 11б ангийн сурагч М. Энх-Амгалан нар тус тус хүртсэн амжилтыг үзүүлжээ.
SIMOC буюу Сингапурын математикийн олимпиадад оролцсоноор дэлхийн өнцөг булан бүрээс оролцож буй чадварлаг сурагчидтай өрсөлдөж, мөн нэг баг болж, бие биеэсээ суралцах боломжийг олгодог. Мөн сурагчдын асуудал шийдвэрлэх чадварыг сорихоос гадна багаар ажиллах, манлайлах чадварыг интерактив математикийн тоглоомоор дамжуулан шалгадаг олимпиад юм.
