УИХ-ын гишүүн, ССАЖ-ын сайд Ц.Оюунгэрэл англи, франц хэлийг бие дааж сурсан хичээл зүтгэлтэй эмэгтэй. Хувийн амьдралд нь бэрхшээл зовлон учирч байсан ч тэр бүхнийг тэсэж даван гарч чадсан хүчирхэг эмэгтэй. Хөвсгөлийн нутгийн уугуул эмэгтэй Ц.Оюунгэрэл Стэнфорд, Иелийн их сургуулийг төгссөн цор ганц улстөрч эмэгтэй байх. Гадаад удаан амьдарч, гадаад нөхөртэй болсон Ц.Оюунгэрэл сайд энгийн даруу эмэгтэй. Ямартаа л “Надтай болзоход нэг их мөнгө орохгүй. Би үнэтэй ээмэг зүүлт зүүдэггүй, үнэтэй ресторанд хооллодоггүй. Хөргөгчинд минь мах гурил байвал болох нь тэр” гэсэн утгатай яриа өгч байсан. Тэрээр “Хамгийн бага мөнгөөр амьдарч сурсан хүн хамгийн тайван амьдардаг юм” гэж хэлсэн удаатай.
Энгийн хэрэглээтэй, амьдралаас илүү ихийг шунаж хүсээд байдаггүй Ц.Оюунгэрэл сайд саяхан ард түмнээсээ тусламж хүслээ. Ц.Оюунгэрэл сайд “Хүргэн ах Галбаатар маань 27 дахь хоногтоо ухаангүй, сэхээнд хэвтэж байна. Амьдрах, ухаан орохын төлөө эцсийн хүчээ шавхан тэмцэж буй Галаа ахдаа бид 104.5 радио сонсгож тархи мэдрэлээ сэргээхэд нь тусалж байгаа юм. Сайхан сэтгэлт хүмүүс ээ, 104.5 радиогоор өдрийн 12-14 цагийн хооронд, эсвэл орой 20-22 цагийн хооронд түүний дуртай Жавхлан, Батсүх, Баясгалан нарын дууг, эсвэл Сосорбарамын уншсан Чойномын шүлгүүдээс боломжоороо захиалж туслаарай” фэйсбүүктээ бичжээ.
Эх сурвалж: tovchoo.mn
