Оросын сонгодог дуурийн урлагийн нэрт зүтгэлтэн, Зөвлөлт ба Оросын дуурийн дуучин (уянгын сопрано), хөгжмийн урлаг- нийгмийн зүтгэлтэн, ЗХУ-ын Большой театрын “Алтан эрин үе”-ийн төлөөлөгчдийн нэг Наталья Шпиллерын нэрэмжит “Оросын хөгжмийн сор бүтээлүүд” олон улсын дуулаачдын XII уралдаан Москва хотноо болж өндөрлөлөө.
12 дахь жилдээ болсон эл уралдаанд дэлхийн 35 орны эмэгтэй дуулаачид өрсөлдсөн бөгөөд манай улсаас Гнесиныхны нэрэмжит ОХУ-ын Хөгжмийн академийн магистратурт суралцаж буй дуурийн дуучин Б.Оюу-Эрдэнэ оролцож, дэд байр эзэлжээ.
