УДЭТ-ын долоон найруулагч долоон өөр ертөнц, долоон өөр сэтгэмжийг илэрхийлэх жүжгүүдээ толилуулж байгаа билээ. Тэгвэл уг төслийн хүрээнд Төрийн соёрхолт Н.Наранбаатарын найруулга “Өчигдөр” сэтгэхүйн драмын жүжиг 5 сарын 7-ноос эхлэн театрын тайзнаа тоглогдох гэж байна.
Өчигдөр бүх зүйл аз жаргалтай байсан тэд анх танилцаж, догдлон, бие биендээ ухаангүй дурлацгаасан харин өнөөдөр залхсан, уйдсан… Тэд хэрхэн мөнхийн хайрыг бий болгож, өдөр бүрийг өчигдөр шиг байлгах бол?
Нэгэн гэр бүлийн хоёр болох Ричард, Сара нар уйтгартай, залхмаар амьдралаа өөрчлөхийн тулд Ричард эхнэр Сарагийн нууц амраг болох Макст өөрийн орон байраа, эхнэрээ үлдээн явж байгаагаар жүжиг эхлэнэ. Өглөө ажилдаа явж орой ажлаас ирэх тэрээр өдөржин юу хийсэн талаар Сарагаас сонирхон асууна. Энэхүү асуултанд тэрээр бүгдийг үнэнээр нь хариулна.
Ричард ч гадуур биеэ үнэлэгч хүүхэнтэй зугаацаж харин Сара гэртээ нууц амрагаа авчирснаар тэд санаанд оромгүй, гэнэтийн, хачирхалтай амьдрал руу шилжицгээнэ. Ийнхүү жүжгийн үйл явдал хоёр чиглэлээр өрнөнө.
Гэвч нэг л өдөр Сарагийн нууц амраг нь өөрсдийн харилцаагаа дуусгахыг хүснэ. Ричард ч мөн цаашид эхнэрээ хуурах нь утгагүй санагдаж буцаад хэвийн амьдрал руугаа орохыг хүсэх болно.
Жүжиг цаашид санаанд оромгүй байдлаар үргэлжлэх бөгөөд энэхүү жүжиг нь сэтгэлийн ариун нандин, үнэнч мөнхийн хайрын торгон мэдрэмж гэдэг ямар үнэтэй, үнэлж барамгүй зүйлс байдаг тухай өгүүлнэ.
Драмын урлагийг эрхэмлэн дээдлэгч оюунлаг хүмүүн таныг УДЭТетрт хүрэлцэн ирэхийг урьж байна.
www.URLAG.mn