Завхан аймгийн музейн сан хөмрөгт XIX зууны сүүл, XX зууны эхэн үеийн чулуун тээрэм хадгалагдаж байгаа бөгөөд түүх, соёлын үнэт өвийг илтгэдэг.
Мөн Тэлмэн, Нөмрөг, Ургамал зэрэг сумын Соёлын төвийн музейн сан хөмрөгт мөн үеийн 5-6 чулуун тээрэм бий.
Аймгийн музейн сан хөмрөгт хадгалагдаж буй чулуун тээрэм нь музейн үзүүллэгт хандиваар ирсэн үзмэр юм. Энэ нь дугуй хэлбэртэй, голдоо нүхтэй бөгөөд хоёр хэсгээс бүрддэг. Голын нүхэндээ эргүүлдэг модтой, мод, чулуугаар хийсэн гар хийцийн бүтээл юм.
Энэхүү чулуун тээрэм нь уламжлалт тээрмийг орчин цагийн хувилбараар шинэчлэн бүтээсэн бөгөөд чулууны зөөлөн эргэлтээр улаан буудай, арвай, вандуй зэрэг буурцагт ургамлыг тээрэмддэг байжээ. Чулуун тээрэмд гурил хийхэд байгалийн унаган чанараа хадгалсан, амт үнэр сайхан, цавуулаг чанар сайн, уураг болон төрөл бүрийн эрдэс бодисоор баялаг гурил гардаг байсан байна.
Тиймээс тухайн үед айл, хотлоороо уламжлалт аргаар хүнсэндээ хэрэглэх гурилыг энэ мэтчилэн чулуун тээрэм ашиглан бэлтгэдэг байсныг Завхан аймгийн музейн тайлбарлагч О.Оюунцэцэг онцолжээ.
