ОХУ-ын рок-поп дуучин, хөгжимчин, алдарт “Секрет” хамтлагийн үүсгэн байгуулагчдын нэг Максим Леонидов өөрийн “Hippo Band” хамтлагтайгаа 5 сарын 8-ны өдөр манай оронд хүрэлцэн ирлээ.
Тэд өчигдөр Баянгол ресторанд “Back in Mongolia” тоглолтын хэвлэлийн бага хурал хийсэн бөгөөд мөн хамтлагийн залуус ялалтын баярын өдрийг тохиолдуулан ЗХУ-ын дөрвөн удаагийн баатар маршал Г.К.Жуковын талбайд хүндэтгэл үзүүлэн цэцэг өргөлөө. “Секрет” хамтлаг нь Монголд 1987 онд ирж 2 удаа тоглолт хийж байсан юм.
“Back in Mongolia” тоглолт 5-н сарын 10-нд буюу өнөөдөр 19:00 цагаас “UB Palace”-ын концертын их танхимд ганцхан удаа болно.
