Ард түмэндээ “Хос шарга”, “Элээх тавилан”, “Хосын хорвоо” зэрэг олон сайхан нийтийн дуугаар танил болж, зохиолын дууны төрөлд өөрийн гэх орон зайгаа бий болгож чадсан уран бүтээлч бол яахын аргагүй дуучин хөгжмийн зохиол Н.Баасандорж юм.
Сайхан хөг, аялгуугаараа олныг уяраасан хөгжмийн зохиолч, дуучин маань тун удахгүй ард түмэндээ тайлан тоглолтоороо бэлэг барих гээд тун завгүй гүйж явж байна. Эх үрсийн баярт зориулсан “Зөн билэгтэй ээж минь” нэртэй тоглолтоо энэ сарын 26-нд Бөхийн өргөөнд ганцхан удаа тоглох гэнэ.
Дуучин хөгжмийн зохиолч маань бүх л дуугаа ганцаараа дуулж, ээжийн тухай сайхан дуунуудыг төгөлдөр хууран дээр тоглож дуулна гэсэн шүү. Урилгаар Төрийн соёрхолт ардын уран зохиолч, яруу найрагч Ш. Сүрэнжав, П. Бадарч, Ц. Бавуудорж, Болор цомын эзэн яруу найрагч Б. Ичинхорлоо, А. Эрдэнэ- очир, мөн хөгжимчин У. Одонтунгалаг хүрэлцэн ирж уран бүтээлийн дээжсээсээ хүргэх юм байна. Үүгээр зогсохгүй Гэнэтийн бэлэг бариж үзэгчдээсээ 4, 5 азтанг шалгаруулах гэнэ. Азтан болсон үзэгч “Монгол АУРА – Энерги”- ийн төвөөр үйлчлүүлэх эрхийн бичгээр шагнана гэсэн шүү.
