Хүүхдийн уран бүтээл ховордож, тэдэнд зориулан жүжиг, кино хуруу дарам хийх болсон нь нууц биш. Энэ нь хүүхдийн гэсэн театр байхгүйгээс шалтгаалах нь бий гэдэг. Харин Улсын драмын эрдмийн театрын хамт олон урын сандаа багтдаг хэдхэн уран бүтээлээр хүүхдүүдэд үйлчилдэг ч тэр бүр тоглоод байж чаддаггүй. Гэхдээ тэд жил бүр хүүхдийн нэг жүжиг хийж, бэлэг барих нь бий.
Харин найруулагч Ч.Түвшин “Норовын намтар” хүүхдийн жүжгийг дуу, шүлэг, драм, бүжиг, хүүхэлдэй, цирк, тулааны урлагийн төрлөөс багтаан найруулж, тайзнаа тавьсан. Тэгвэл Улсын драмын театрын хамт олон хүүхэд, багачууддаа зориулан “Норовын намтар” жүжгийг энэ сарын 30-нд ганцхан удаа тоглохоор болсон юм.
www.URLAG.mn
