…Цаг болж нөхцөл бүрдэхэд
Өнгийн цэцэг навч дэлгэрнэ
Цаг болж нөхцөл бүрдэхэд
Өлийн өвс ургамал хагдарна
Цаг болж нөхцөл бүрдэхэд
Чи бидэн дурлалцана…
“Улаан гэр” галерейд Данзангийн Нямс үрэнгийн өвс, хүн хоёрын шүтэлцээтэй шүлэгнүүдийг санагдуулам уран зургууд дэлгэжээ. Хотдоо шавсан бидэнд хөдөөний сайхан байгалийг мэдрүүлж, нялх ногоо “үнэртүүлсэн” энэ зургуудыг Төрийн шагналт, зураач С.Саранцацралт зурсан юм.
Яг л амьд мэт цэцэгсийг нь хараад л , хараад л баймаар, үзэсгэлэнгийн танхимд хэдий түм түжигнэж байсан ч түүний зурагт уусаад, ганцаараа тэр сайхан байгальд очих шиг тайвшралыг бэлэглэв. “Өвс” нэртэй үзэсгэлэнд 20 гаруй зургаа дэлгэжээ.
Өчигдөр 54 нас хүрсэн тэрбээр гурав дахь удаагаа төрсөн өдрөөрөө үзэсгэлэн гаргаж байгаа нь энэ. С.Саранцацралт зураачийн онгодыг гавьяат жүжигчин, Банзрагч агсны дуулсан “Найрсаг байгаасай”, “Гайхмаараа”, “Миний нутгийн бараа” зэрэг дуунууд хөгл өс өн юм билээ. Эл дуунуудыг сонсоход үзэсгэлэнт байгаль, хөд өө нутаг бодогдож, өөрийн эрхг үй аавыгаа санасан гэнэ.
Ийн аав, эх орныгоо дээлээр илэрхийлсэн зургууд ч харагдсан. “Өвс, хүн хоёр ижил. Намар болж өвс ганддаг ч өөрийн гоо сайхнаа гайхуулсаар байдаг. Бид хатсан өвс гэж хардаг ч цаг цагтаа таарах гоо сайхнаа харуулж байгаагаараа хүнтэй ижил” хэмээн зураач бүсгүй хэлсэн. Түүний зургууд том хэмжээтэйгээрээ онцлог аж. Байгалийн сүр хүчийг харуулж, хүний сэтгэлийг татахын тулд том орон зай хэрэгтэй байдаг гэнэ.
Б.Дөлгөөн
