Монгол Улсын Соёлын элч, дэлхийн алдарт “The HU” хамтлаг АНУ дахь ээлжит аялан тоглолтоо уржигдар /2026.05.12/ Вашингтон хотноо албан ёсоор эхлүүллээ.
Энэ удаагийн аялан тоглолтын хүрээнд тус хамтлаг Финландын алдарт “Apocalyptica” болон “The Rasmus” хамтлагуудтай хамтран Америкийн томоохон хотуудын тайзнаа тоглолтоо толилуулж байна. Монголын уламжлалт хөг аялгууг орчин үеийн рок урсгалтай хослуулсан “The HU” хамтлагийн өвөрмөц уран бүтээл олон улсын үзэгчдийн сонирхлыг дахин татсаар байна.
