Монгол Улсын Төрийн шагналт, Хөдөлмөрийн баатар, Ардын уран зохиолч, яруу найрагч Бавуугийн Лхагвасүрэн агсны гэргий С.Баасан Монголын зохиолчдын эвлэлээр зочилж, Удирдах зөвлөлийн дарга Д.Нямдоржтой уулзан санал солилцлоо.
Уулзалтын үеэр тэрбээр их найрагчийн өөрт нь зориулан бичсэн хайрын шүлгүүдийг ач хүү Х.Хасуйн хамт эмхэтгэн хэвлүүлсэн “Хайрын мадригал” номын орлогоосоо Зохиолчдын ордны засвар, тохижилтод зориулан мөнгөн хандив өргөж, МЗЭ-ийн удирдлага, хамт олонд ажлын амжилт хүсжээ.
