Испанид сүүлийн өдрүүдэд хамгийн олон хүнийг татсан хоёр хүн нь Пап лам Лео XIV болон Пуэрто-Рикогийн алдарт дуучин Bad Bunny байлаа.
Пап лам мөргөл, номлолын арга хэмжээнүүдээр цэнгэлдэх хүрээлэн, талбайг дүүргэж байсан бол Bad Bunny хэдэн арван мянган хүнийг хамарсан томоохон тоглолтууд хийж байв.
Ватикан тэднийг даваа гараг(2026.06.08)-т Мадрид хотод богино хугацаанд уулзсаныг баталсан ч уулзалтын зураг, бичлэгийг хараахан нийтлээгүй байна. Тиймээс АНУ-д төрсөн анхны Пап ламыг реггетон хөгжмийн супер одтой хамт харна гэж найдаж байсан хүмүүсийн урмыг хугалжээ.
Ватиканы төлөөлөгчийн мэдээлснээр Пап лам Bad Bunny-г гэр бүлийнхэн болон бусад хүмүүсийн хамт хүлээн авч уулзсан байна. Уран бүтээлч өөрөө Пап ламтай уулзах хүсэлт гаргасан, мөн гар барих үедээ сэтгэл нь маш их хөдөлсөн байсан талаар Ватикан мэдээлжээ.
Ромоос Мадрид руу нисэх замдаа Пап лам Bad Bunny-тай өрсөлдөж буй талаар хошигнон ярьсан байна. Учир нь түүний залуучуудтай хийх арга хэмжээ Бад Баннигийн тоглолттой нэг өдөр давхацжээ. Тэрбээр CNN-д өгсөн ярилцлагадаа “Хүмүүсээс Bad Bunny-г үзэх үү, эсвэл Пап ламыг үзэх үү гэж асуувал олон хүн Bad Bunny-г сонгоно байх. Гэхдээ бас Пап ламыг үзэхээр ирэх хүмүүс цөөнгүй байх болно. Энэ нь өөрөө их зүйлийг хэлж байгаа юм” гэжээ.
