Говийн бүсийн байгалийн хосгүй тогтоц бүхий Тост, Тосон бумбын нуруу нь элсэн манхан, говийн ховор ургамлаас бүрдэх байгалийн цогцолбор бөгөөд Монгол орны говийн экосистемийн онцлогийг илэрхийлсэн өвөрмөц нутаг юм.
Тус бүс нутгийн байгалийн үзэсгэлэнт төрх, унаган тогтцыг олон нийтэд таниулах зорилгоор гэрэл зургуудыг хүргэж байна.
Энэхүү хадан хавцал нь 10 км урт үргэлжлэх бөгөөд хамгийн өргөн хэсэгтээ 20 орчим метр, хамгийн нарийн хэсэгтээ 1 метр орчим өргөнтэй, 20 гаруй метр өндөр хадан хясаануудаас бүрддэг. Хавцлын дагуу бороо, цасны усыг хуримтлуулсан олон хөв цүнхээлүүд байх бөгөөд тэдгээр нь говийн зэрлэг амьтдыг олон жилийн турш өнөөг хүртэл ундаалсаар иржээ.
Мөн эртний хүмүүс энэ нутагт ан ав хийж, аж төрж байсныг илтгэх археологийн олдвор, дурсгалууд өнөөг хүртэл хадгалагдан үлдсэн байна.
