Өмнөд Солонгосын телевизийн цувралын шилдгүүдийг тодруулдаг “Blue Dragon Series Awards” долдугаар сарын 31-ний 20:30 цагт болно. Тав дахь жилдээ болох уг шагнал гардуулах ёслол Инчён хотын “Paradise City”-д зохион байгуулагдах бөгөөд арга хэмжээг KBS 2TV сувгаар шууд дамжуулах аж.
Өнөө жилийн шагнал гардуулах ёслолын хөтлөгчөөр Чун Хюн Му болон Юна нар дахин сонгогджээ. Ингэснээр тэд уг шагнал гардуулах ёслолыг тав дахь жилдээ дараалан хамтран хөтлөх гэж байна.
2022 оноос хойш эл хоёр уран бүтээлч “Blue Dragon”шагнал гардуулах ёслолын гол хөтлөгч хос болон танигдаж, тайзан дээрх эвлэг хамтрал, байгалийн уур амьсгал, үзэгчдийг татах чадвараараа өндөр үнэлгээ авч ирсэн юм.
