Алсын уулс цэнхэртэн униартахад
Аягатай тарагнаас яргуй үнэртэнэ
Аялгуут дуу сэтгэлд минь нялхархад
Ангир уургандаа янзага тэмүүлнэ
Хурдан морины уяа сойлго таарахад
Хулан тахийн шинж нь бүрдэнэ
Хулсан хусуур сувдран хөлөрхөд
Хултай айрганд уруул чимчигнээд
Ай хавар зуны улирал минь
Алтан нарны бичээс билээ
Тэнгэрт шүтсэн монгол түмний минь
Тэгш дөрвөн зурлага билээ
Хүүхэд залуус эрдмийн аянд мордоход
Хүн бүрийн сэтгэл дүүрээд
Намар цагийн салхи нь зөөлөн үлээж
Намайг чамайг даллах шиг санагдана
Ай намар цагийн улирал минь
Алтан нарны бичээс билээ
Тэнгэрт шүтсэн монгол түмний минь
Тэгш дөрвөн зурлага билээ
Үлэмжийн ариун цагаан цасан ширхэг
Үлээх салхи хүрхэрнэ
Хүйтний эрч чангарах тусам
Хөх чонын жавхаа нэмэгдэнэ
Ай өвлийн сайхан улирал минь
Алтан нарны бичээс билээ
Тэнгэрт шүтсэн монгол түмний минь
Тэгш дөрвөн зурлага билээ
